E lindur në Durrës, fillova atletikën në moshën 12-vjeçare. Fillimisht u stërvita aty dhe, një vit më vonë, u transferova në Tiranë për të zhvilluar edhe më shumë pasionin tim për sportin. Për plot pesë vite jetova me familjen e trajnerit dhe më pas me familjen time.

Në moshën 14-vjeçare fitova medaljen e argjendtë në Kampionatin Ballkanik për moshat U18, si dhe medalje argjendi edhe në versionin indoor. Kam marrë pjesë në shumë aktivitete kombëtare dhe ndërkombëtare, duke përfaqësuar vendin tim që në moshë të re.

• Nënkampione Ballkanike për moshat U18–U20
• Gjysmëfinaliste në Kampionatin Botëror për moshat U18
• Pjesëmarrëse në Festivalin Olimpik Botëror dhe Europian Rinor
• Fituesja e medaljes së artë në Small States Games 2021
• Kampione Kombëtare për 8 vite rresht
• Fituesja e medaljes së artë në World Interuniversities Championship